खबरें मतल्लक झलकियां
पश्चिम बंगाल ते असम विधानसभा चुनायें दे दूये चरण दा प्रचार अज्ज मुक्कै‘रदा ऐ, वोट वीरवारें पौआये जांगन            देश च कोविड टीकाकरण अभियान तैहत 6 करोड 11 लक्ख शा मते टीके लाये गये            विश्व सेहत संगठन कोविड दे पैदा होने बारे च रिपोर्ट अज्ज जारी करूग            जम्मू-कश्मीर प्रशासनिक परिशद ने पर्यावरणीय-पर्यटन दे विकास गी बढ़ावा देने लेई वन्यजीव संरक्षित ईलाकें च 7 नमे रस्तें दे विकास गी मंजूरी दिती            जल जीवन मिशन तैहत 4 करोड शा मते ग्रामीण घरे तोहड़ी नलके राहें पानी पजाया गेया           

Jun 05, 2020
, 
8:56AM

अमरीका ते कनाडा च किश थाह्रें लेई 75 होर डुआरिएं लेई अज्ज संझां 5 बजे थमां बुकिंग षुरु

AIR NEWS
एयर इंडिया, वंदे भारत मिशन दे त्रीये गेड़ दे तैह्त अमरीका ते कनाडा च किश थाह्रें लेई 75 होर डुआरिएं लेई अज्ज संझां 5 बजे थमां बुकिंग षुरु करी देग। इनें थाह्रें च न्यूयार्क, नेवार्क, षिकागो, वाषिंगटन, सनफ्रांसिस्को, वेन्कोवर ते टोरन्टो शामल न।

षैह्री हवाबाजी सरबंधी केन्द्री मंत्री हरदीप सिंह पुरी होरें दस्सेआ ऐ जे एह् डुआरियां इस म्हीने दी 9 तरीक थमां  30 तरीक तगर चलाईयां जाङन। उनें गलाया जे ओह् लोक जेड़े अमरीका ते कनाडा दी यात्रा करना चांह्दे न ते जेह्ड़े इस सरबंधै च सरकार पास्सेआ तैय शर्तें गी पूरा करदे न, ओह् इनें डुआरिएं लेई बुकिंग करोआई सकदे न।

तोआईं वंदे भारत मिशन दे तैह्त दुनिया दे बक्ख-बक्ख हिस्सें च फसे दे भारतीयें दे परतोने दा सिलसिला जारी ऐ। जंदे बुधवारें 2 हजार 7 सौ 16 लोक, दुबई, आबी धाबी, दोहा, मस्कट, मास्को, जेद्दाह् ते कीव थमां परतोए न। तोआईं  वंदे भारत मिशन दा दुआ गेड़ जेह्ड़े जंदी 17 मई थमां षुरु होआ हा ते इस म्हीने दी 13 तरीक तगर जारी रौह्ग, सुचारू तरीके कन्नै चला’रदा ऐ।

विदेश मंत्रालय दे प्रवक्ता अनुराग श्रीवास्तव होरें दस्सेआ ऐ जे विदेषें च फसे दे भारतीयें गी वापस आह्नने आस्तै एयर इंडिया पास्सेआ अजें तगर इस गेड़ दे तैह्त 103 डुआरियां चलाइयां गेईआं न।

   सरबंधत खबरां

लाईव ट्विटर फीड

मौसम दा सूरतेहाल

As on-24 Nov 2021
City MaxoC MinoC
दिल्ली 26.7 9.2
मुंबई 34.0 23.0
चेन्नई 32.4 25.0
कोलकाता 30.9 20.7
बेंगलुरू 29.8 20.1