खबरें मतल्लक झलकियां
पश्चिम बंगाल ते असम विधानसभा चुनायें दे दूये चरण दा प्रचार अज्ज मुक्कै‘रदा ऐ, वोट वीरवारें पौआये जांगन            देश च कोविड टीकाकरण अभियान तैहत 6 करोड 11 लक्ख शा मते टीके लाये गये            विश्व सेहत संगठन कोविड दे पैदा होने बारे च रिपोर्ट अज्ज जारी करूग            जम्मू-कश्मीर प्रशासनिक परिशद ने पर्यावरणीय-पर्यटन दे विकास गी बढ़ावा देने लेई वन्यजीव संरक्षित ईलाकें च 7 नमे रस्तें दे विकास गी मंजूरी दिती            जल जीवन मिशन तैहत 4 करोड शा मते ग्रामीण घरे तोहड़ी नलके राहें पानी पजाया गेया           

Apr 30, 2020
, 
9:13AM

मुल्ख च पिच्छले 12एं घैंटें दौरान कोरेाना वायरस दे 1 हजार 2 सौ 63 नमें मामले

मुल्ख च पिच्छले 12एं घैंटें दौरान कोरेाना वायरस दे 1 हजार 2 सौ 63 नमें मामले सामने औने दे कन्नै कोरोना वायरस दे कुल तसदीकशुदा मामलें दी गिनतरी बधियै 33 हजार 50 होई गेई ऐ।

सेह्त ते परोआर कल्याण मंत्रालय मुजब, कुल मामलें चा 23 हजार 6 सौ 51 सक्रिय मामले न ते 8 हजार 3 सौ 25 जनें गी नरोए होने परैन्त अस्पतालें थमां छुट्टी बी थ्होई गेदी ऐ। पिच्छले 12एं घैंटें दौरान कोरोना वायरस कारण 66 लोकें दी मौत बी होई ऐ जेह्दे कन्नै अजें तगर इस लागै करी मरने आह्लें दी गिनतरी 1 हजार 74 होई गेई ऐ।

सेह्त मंत्री डाक्टर हर्शवर्धन होरें कल आखेआ जे सरकार अगले किश दिनें दौरान जांच आह्ली अपनी समर्थ गी बधाइयै हर रोज 1 लक्ख टेस्ट करने लेई कम्म करा’रदी ऐ। मंत्री होर कल वीडियो कांफ्रेंस दे राएं लायन्स क्लब इन्टरनेशनल दे सदस्यें कन्नै गल्लबात करा’रदे हे।

डाक्टर हर्शवर्धन होरें दस्सेआ जे 2 सौ 88 सरकारी ते 97 निजी लैबाटरियां ते नमूने किट्ठे करने आह्ले कोई 16 हजार केन्द्र ऐल्लै मुल्ख भरै च कम्म करा’रदे न ते हर रोज तकरीबन 60 हजार टेस्ट कीते जा’रदे न।

उनें दस्सेआ जे पिच्छले त्रौं दिनें दौरान मुल्ख च हर 11.3 दिनें च कोरोना वायरस दे मामले दूने होआ’रदे न। उनें गलाया जे भारत नै इस महामारी दा सामना बड़ा बखूबी कीता ऐ। 

   सरबंधत खबरां

लाईव ट्विटर फीड

मौसम दा सूरतेहाल

As on-24 Nov 2021
City MaxoC MinoC
दिल्ली 26.7 9.2
मुंबई 34.0 23.0
चेन्नई 32.4 25.0
कोलकाता 30.9 20.7
बेंगलुरू 29.8 20.1