खबरें मतल्लक झलकियां
पश्चिम बंगाल ते असम विधानसभा चुनायें दे दूये चरण दा प्रचार अज्ज मुक्कै‘रदा ऐ, वोट वीरवारें पौआये जांगन            देश च कोविड टीकाकरण अभियान तैहत 6 करोड 11 लक्ख शा मते टीके लाये गये            विश्व सेहत संगठन कोविड दे पैदा होने बारे च रिपोर्ट अज्ज जारी करूग            जम्मू-कश्मीर प्रशासनिक परिशद ने पर्यावरणीय-पर्यटन दे विकास गी बढ़ावा देने लेई वन्यजीव संरक्षित ईलाकें च 7 नमे रस्तें दे विकास गी मंजूरी दिती            जल जीवन मिशन तैहत 4 करोड शा मते ग्रामीण घरे तोहड़ी नलके राहें पानी पजाया गेया           

Mar 13, 2020
, 
11:10AM

सेह्त मंत्रालय नै कोरोना वायरस शा बचाव सरबंधी दिशा-निर्देश जारी कीते

सेह्त मंत्रालय नै कोरोना वायरस शा बचाव ते इस चाल्ली दे जरासीम दी तसदीक आह्ले व्यक्तिएं गी घरें अंदर गै सब्भनें कोला बक्खरे रक्खने सरबंधी दिशा-निर्देश जारी कीते न।

घरै च रक्खे गेदे इस किस्मै दे व्यक्ति गी षैल हवादार कमरे च रक्खेआ जाना लोड़चदा ऐ जित्थे अंदर गै शाचालय दी बी स्हूलत होऐ। जेकर परोआर दा कोई होर सदस्य, प्रभावित व्यक्ति दे कन्नै उस्सै कमरे च रौह्ना चांह्दा ऐ तां उसी सदा घट्टोघट्ट इक मीटर दी दूरी बनाई रक्खने दी सलाह् दित्ती गेई ऐ।

ऐसे व्यक्ति गी बुजुर्गें, गर्भवती महिलाएं, बच्चें ते होरनें कमजोर लोकें दे संपर्क च नेईं औन देना लोड़चदा ऐ। लोकें गी सलाह् दित्ती गेई ऐ जे ओह् बचाऽ आह्ले बुनियादी हीलें गी अपनान तांजे ओह् अपने आपै गी नोवल कोरोना वायरस थमां सुरक्षित रक्खी सकन। लोकें गी आखेआ गेआ ऐ जे ओह् ओकड़े कुसै बी कार्यक्रम च शामल नेईं होन जित्थें मती तादाद च लोक किट्ठे होन।

लोकें गी इब्बी सलाह् दित्ती गेई ऐ जे ओह् अपने हत्थें गी खरी चाल्ली धोए बगैर अपने अक्खें, नक्क ते मुंहै गी नेईं लान। मंत्रालय नै एह् सलाह् बी जारी कीती ऐ जे कोरोना वायरस दे लपेटे च आए दे व्यक्ति गी कुसै बी सूरतै च कुसै बी किस्मै दे किट्ठ च शामल नेईं होना लोड़चदा।

उसी हर बेल्लै सर्जिकल मास्क पाइयै रक्खना चाह्दिा जिसी हर 6 शा 8एं घैंटें च बदली दित्ता जाना चाह्दिा। मंत्रालय नै कोराना वायरस बारै कुसै बी किस्मै दी सहायता लेई हर रोज 24 घैंटे तग्गर कम्म करने आह्ला इक हैल्पलाईन नम्बर ते ई-मेल आईडी बी जारी कीते न। फोन नम्बर ऐ 011-23978046 ते ईमेल आईडी ऐ ncov2019@gmail.com

   सरबंधत खबरां

लाईव ट्विटर फीड

मौसम दा सूरतेहाल

As on-24 Nov 2021
City MaxoC MinoC
दिल्ली 26.7 9.2
मुंबई 34.0 23.0
चेन्नई 32.4 25.0
कोलकाता 30.9 20.7
बेंगलुरू 29.8 20.1