खबरें मतल्लक झलकियां
पश्चिम बंगाल ते असम विधानसभा चुनायें दे दूये चरण दा प्रचार अज्ज मुक्कै‘रदा ऐ, वोट वीरवारें पौआये जांगन            देश च कोविड टीकाकरण अभियान तैहत 6 करोड 11 लक्ख शा मते टीके लाये गये            विश्व सेहत संगठन कोविड दे पैदा होने बारे च रिपोर्ट अज्ज जारी करूग            जम्मू-कश्मीर प्रशासनिक परिशद ने पर्यावरणीय-पर्यटन दे विकास गी बढ़ावा देने लेई वन्यजीव संरक्षित ईलाकें च 7 नमे रस्तें दे विकास गी मंजूरी दिती            जल जीवन मिशन तैहत 4 करोड शा मते ग्रामीण घरे तोहड़ी नलके राहें पानी पजाया गेया           

Feb 20, 2020
, 
11:16AM

पाकिस्तान जम्मू कश्मीर दी रमानदारी च विघ्न पाने लेई कोई कसर नेई छोड़’रदा ऐ : पुलस महानिदेशक दिलबाग सिंह

पुलस महानिदेशक दिलबाग सिंह होरें आक्खेआ जे पाकिस्तान आतंकवादिएं दी इत्त बक्खी घुसपैठ कराने लेई नियंत्रण रेख पर किश ना किश हरकत करदे रौह्ने दी कोष्त करदा ऐ। पुलवामा ज़िले दे त्राल इलाके च कल छिड़े दे इक टाक्करे च जेह्दे च सुरक्षाबलें त्रऊं आतंकवादिएं गी मारी मकाया, दे बारे च मीडिया गी जानकारी दिंदे होई उनें दस्सेआ जे पाकिस्तान आतंकवादिएं दी जम्मू कश्मीर च घुसपैठ कराने लेई अपनी पूरी टिल्ल ला करदा ऐ ते नियंत्रण रेखापर संघर्श विराम दी खलाफवर्जी आलिएं घटनाएं च मती तेजी आई ऐ।

डीजीपी होरें दस्सेआ जे ओ रस्ते जित्थुआं आतंकवादी घुसपैठ करदे न, सयाले दरान भलेयां बंद रौंहृदे हे, पर इस सयाले उत्थें बी एह् कोष्तां जारी रेइयां। उनें जानकारी दित्ती जे संगठन थमां बाह्र रेइयै आतंकवादिएं लेई कम्म करने आले 40 ओवर ग्राउंड वर्करें गी हिरासतै च लैता गेआ ऐ। एह्दे इलावा इक खरी गल्ल जेह्ड़ी होई ऐ, 8 ऐसे नोजवानें गी उंदे परिवार आले कश पजाया गेआ जेह्ड़े आतंकवादी बननने लेई अपना घर छोड़ियै नस्सी गेदे हे।

उनें दस्सेआ जे आतंकवाद च शामल होने आलें दी गिनतरी च बी मती कमी आई ऐ। डीजीपी होरें गलाया जे पाकिस्तान जम्मू कश्मीर दी रमानदारी च विघ्न पाने लेई कोई कसर नेई छोड़’रदा ऐ। उनें जानकारी दित्ती जे कश्मीर घाटी च हालात च होर बेह्तरी औने पर इंटरनेट सेवाएं पर होर छूट दित्ती जाग।

   सरबंधत खबरां

लाईव ट्विटर फीड

मौसम दा सूरतेहाल

As on-24 Nov 2021
City MaxoC MinoC
दिल्ली 26.7 9.2
मुंबई 34.0 23.0
चेन्नई 32.4 25.0
कोलकाता 30.9 20.7
बेंगलुरू 29.8 20.1