खबरें मतल्लक झलकियां
पश्चिम बंगाल ते असम विधानसभा चुनायें दे दूये चरण दा प्रचार अज्ज मुक्कै‘रदा ऐ, वोट वीरवारें पौआये जांगन            देश च कोविड टीकाकरण अभियान तैहत 6 करोड 11 लक्ख शा मते टीके लाये गये            विश्व सेहत संगठन कोविड दे पैदा होने बारे च रिपोर्ट अज्ज जारी करूग            जम्मू-कश्मीर प्रशासनिक परिशद ने पर्यावरणीय-पर्यटन दे विकास गी बढ़ावा देने लेई वन्यजीव संरक्षित ईलाकें च 7 नमे रस्तें दे विकास गी मंजूरी दिती            जल जीवन मिशन तैहत 4 करोड शा मते ग्रामीण घरे तोहड़ी नलके राहें पानी पजाया गेया           

Feb 07, 2020
, 
7:02PM

विश्व सेहत संगठन नै करोना वायरस दा मुकाबला करने गितै 675 मिलियन अमरीकी डालर दा सहयोग दान दे रुपै च करने दा कीता आहवान

विश्व सेहत संगठन नै नोवल करोना वायरस दा मुकाबला करने गितै इक योजना आस्तै 675 मिलियन अमरीकी डालर दा सहयोग दान दे रुपै च करने दा आहवान कीता ऐ जेदा इस्तेमाल उनें मुल्खें च निवेश दी शकली च कीता जाग जित्थे एदे फैलने दा मता खतरा ऐ। संगठन दे प्रमुक्ख टेडरास एधानाम होरें गलाया जे  इस बारे इक रणनीतिक-त्यारी ते प्रतिक्रिया आली योजना शुरु करने जा रदे न जेदे लेई औंदे त्रंऊ म्हीने लेई 675 मिलियन डालर दे योगदान दी गुजारश कीती जन्दी ऐ। उनें दस्सेया जे 60 मिलियन डालर दी रकम विश्व सेहत संगठन दियें कारवाइयें लेई होग जिसलै कि बाकी दी रकम उनें मुल्खें गी भेजी जाग जित्थे इस खतरनाक बिमारी सवां बचाव लेई सुरक्षात्मक ते एहतियात आलियें कारवाइयें दी लोड़ ऐ। ताईं जम्मू-कश्मीर इच सेहत ते मेडिकल शिक्षा दे माली आयुक्त होरें गलाया ऐ जे नोवेल कोरोना वायरस सोयां घबराने दी कोई लोड़ नेईं ऐ ते सेहत अमला इस चुनौती कन्नै निब्बड़ने लेई पूरी चाल्ली त्यार ऐ। उनें गलाया जे जम्मू-कश्मीर इच अजें तगर इस वायरस दी लाग आला कोई मामला सामने लेईं आया ऐ। उनें लोकें गी आग्रह कीता जे ओह् घबरान नेईं। उनें गलाया जे सरकार पूरी चाल्ली सौह्गी ऐ ते सब्बे एहतियाती तरीकाकार अपना‘रदी ऐ। 

   सरबंधत खबरां

लाईव ट्विटर फीड

मौसम दा सूरतेहाल

As on-24 Nov 2021
City MaxoC MinoC
दिल्ली 26.7 9.2
मुंबई 34.0 23.0
चेन्नई 32.4 25.0
कोलकाता 30.9 20.7
बेंगलुरू 29.8 20.1