प्रधानमंत्री नरेन्द्रमोदी होरें आखेआ ऐ जे तथ्यें च, खबर गी सशक्त बनाने दी ताकत होंदी ऐ। उनें मीडिया घरानें गीआखेआ ऐ जे ओह् जनता सामने असलियत उप्पर आधारित खबरां पेश करन। कल रातीं चेन्नई चतमिल दे इक सियासी ते व्यंग्यात्मक रिसाला तुगलक दे स्वर्ण जयंती समारोह दौरानदिल्ली थमां टेलीविजन लेई दित्ते गेदे इक भाशण च उनें ईआं आखेआ। प्रधानमंत्रीहोरें स्वच्छता मिशन ते प्लास्टिक खलाफ लोकें गी जागरूक बनाने लेई मीडिया दीभूमिका दी सराह्ना कीती। उनें मेद प्रगट कीती जे मीडिया, राश्ट्र-निर्माणदिएं पैह्लकदमिएं च ईआं गै अपना योगदान दिंदा रौह्ग। श्री मोदी होरें आखेआ जेसरकार नै राश्ट्र दे केईं दहाके पराने मुद्दे नबेड़ी दित्ते न। उनें दफा 370 ते 35ए गी हटाए जानेदा जिक्र बी कीता। उनें त्रै तलाक, आर्थिक तौर पर पच्छडे दे लोकें गी 10 फीसदी आरक्षणदेने, ओबीसी आयोगस्थापित करने ते आयुश्मान भारत दी मिसाल बी दित्ती। उनें आखेआ जे नैतिकता तेमुल्लें पर आधारित पत्रकारिता, सब्भनें मीडिया घरानें दा सिद्धांत होनी लोड़चदी। उपराट्रपतिएम. वैंकेइया नायडु होरें चेन्नई च आखेआ जे हर चीज पर सोआल पुट्टदे बेल्लै बीसकारात्मक सोच रक्खना, लोकतांत्रिक बवस्था च बड़ा फायदेमंद साबत होई सकदा ऐ। उनेंआखेआ जे हर कुसा गी सब्भनें शा पैह्ले मुल्ख, फ्ही अपनी पार्टीते अखीरै च अपने आपै गी रक्खना लोड़चदा।