विदेश मंत्री सुब्रह्मण्यम जयशंकर होरें आक्खेआ ऐ जे भारत ने कोविड-19 महामारी दौरान इक सौ 50 शा मते मुल्खें गी चिकित्सा आपूर्ति ते उपकरण उपलब्ध कराए न। इजराइल दे राष्ट्रीय सुरक्षा अध्ययन संस्थान दे 14में सलाना सम्मेलन गी संबोधित करदे होई उने गलाया जे जियां गै भारत च सामूहिक टीकाकरण षुरू होआ तां बी असें अपने गौआंडी देशें गी बी टीके दी आपूर्ति शुरू करी दिती।

डॉ. जयशंकर होरें आक्खेआ ऐ जे औने आले दिनें च होर दूये साझीदार देशें गी बी दवा उपलब्ध कराए जाने दी मेद ऐ। उने गलाया जे दुनिया मते सामूहिक प्रयासें कन्नै गै लाभान्वित होई सकदी ऐ तां जे अस गंभीर मुद्दें कन्ने निबड़ी सकचै।