কৃষ্ণকান্ত সন্দিকৈ ৰাজ্যিক মুক্ত বিশ্ববিদ্যালয়ৰ সামূহিক অনাতাঁৰ সেৱা জ্ঞান তৰংগৰ এয়োদশ বর্ষপূর্তি অনুষ্ঠান আজি বিশ্ববিদ্যালয়খনৰ বৈদ্যুতিন মাধ্যম প্রযোজনা কেন্দ্ৰৰ উদ্যোগত খানাপাৰাত থকা বিশ্ববিদ্যালয়খনৰ মহানগৰ চৌহদত অনুষ্ঠিত হয়। অনুষ্ঠানত অংশ লৈ প্ৰচাৰ ভাৰতীৰ উত্তৰ-পূব মণ্ডলৰ অতিৰিক্ত সঞ্চালক প্রধান আশীষ ভাটনাগাৰে কয় যে, সমূহীয়া অনাতাঁৰ ব্যবস্থা আৰু মুক্ত বিশ্ববিদ্যালয়ৰ গভীৰ সামঞ্জস্য আছে। তেওঁ কয় যে, উত্তৰ-পূর্বাঞ্চল ভাষিক বৈচিত্র্যৰে সমৃদ্ধ হোৱা হেতুকে শিক্ষানুষ্ঠানসমূহে স্থানীয় ভাষাত সামূহিক ৰেডিঅ ষ্টেচন মুকলি কৰিলে জনসাধাৰণে এই অনুষ্ঠানৰ সৈতে অধিক একাত্ম অনুভৱ কৰিব। অনুষ্ঠানত অংশ লৈ জ্ঞান তৰংগৰ কেন্দ্র সঞ্চালক তথা কৃষ্ণকান্ত সন্দিকৈ ৰাজ্যিক মুক্ত বিশ্ববিদ্যালয়ৰ পৰীক্ষা নিয়ন্ত্রক ৬০ ভবৰঞ্জন শর্মাই সমাজৰ সামূহিক বিকাশ সাধনত ৰেডিঅ'ৰ ভূমিকা সম্পর্কে ব্যাখ্যা কৰে। উল্লেখযোগ্য যে ২০১০ চনত স্থাপন হোৱা জ্ঞান-তৰংগ সামুহিক ৰেডিঅ' সেৱাই সমূহীয়া উদ্দেশ্য আগত ৰাখি অনুষ্ঠান প্ৰচাৰ কৰি আহিছে।