নির্বাচন আয়োগে জনাইছে যে বিধানসভা নির্বাচন চলি থকা পাঁচোখন ৰাজ্যত নিৰ্বাচনৰ দিন ঘোষণা হোৱাৰে পৰা ১,৭৬০ কোটি টকাৰো অধিক নগদ টকা বাজেয়াপ্ত কৰা হৈছে। ২০১৮ চনত মিজোৰাম, মধ্যপ্রদেশ, চত্তিশগড়, ৰাজস্থান আৰু তেলেংগানাত অনুষ্ঠিত বিগত বিধানসভা নিৰ্বাচনৰ সময়ত বাজেয়াপ্ত হোৱা প্রায় ২১৫ কোটি টকাৰ তুলনাত এইবাৰৰ বাজেয়াপ্ত ধনৰাশি প্রায় ৭ গুণৰো অধিক। এইবাৰৰ ধনৰাশিৰ ভিতৰত তেলেংগানাত সর্বাধিক প্রায় ৬৫৯ কোটি টকা, ৰাজস্থান, ৬৫০ কোটি টকা, আৰু মধ্যপ্রদেশত ৩২৩ কোটি টকা বাজেয়াপ্ত কৰা হৈছে। উল্লেখযোগ্য যে, এইবাৰৰ বাজেয়াপ্ত হোবা বিপুল পৰিমাণৰ ধনৰাশিয়ে নির্বাচন আয়োগৰ মুক্ত, নিকা আৰু প্রৰোচনামুক্ত নির্বাচন অনুষ্ঠিত কৰাৰ দিশত গ্রহণ কৰা শক্তিশালী ব্যৱস্থাসমূহকে প্রতিপন্ন কৰে।