প্ৰতিৰক্ষা মন্ত্ৰী ৰাজনাথ সিঙে আজি নতুন দিল্লীত অষ্ট্ৰেলিয়াৰ উপ প্রধানমন্ত্রী তথা প্রতিৰক্ষা মন্ত্রী ৰিচাৰ্ড মাৰ্লছৰ সৈতে দ্বিপাক্ষিক আলোচনাত মিলিত হয়। দুয়োগৰাকী মন্ত্রীয়ে আজি সন্ধিয়াৰ ভাগলৈ বৈদেশিক পৰিক্ৰমা মন্ত্রী ড° এছ জয়শংকৰ আৰু অষ্ট্ৰেলিয়াৰ বৈদেশিক পৰিক্ৰমা মন্ত্রী পেন্নি ৱঙৰ সৈতে দুয়োখন দেশৰ বিশেষ বৈঠকত মিলিত হ'ব। ইপিনে, ড০ জয়শংকৰে অষ্ট্ৰেলিয়াৰ প্ৰতিৰক্ষা মন্ত্ৰীগৰাকীৰ সৈতে বৈঠকত মিলিত হয়। সামাজিক মাধ্যমৰ জৰিয়তে দিয়া এটা বার্তাত তেওঁ কয় যে তেওঁলোকে পশ্চিম এছিয়া সন্দর্ভত মত বিনিময় কৰাৰ লগতে ভাৰত প্ৰশান্ত মহাসাগৰীয় কৌশলগত দৃশ্যপটত প্রভাৱিত কৰা শেহতীয়া ঘটনাৱলী সন্দর্ভতো আলোচনাত মিলিত হয়। তদুপৰি তেওঁলোকে বিশ্বকাপ ক্রিকেটৰ ফাইনেল খেল সন্দর্ভতো কথা পাতে।