মহাৰাষ্ট্ৰৰ তত্বাবধায়ক মুখ্যমন্ত্ৰী তথা শিৱসেনাৰ মুৰববী একনাথ সিন্দে, বিজেপিৰ নেতা দেৱেন্দ্ৰ ফাড়নবিছ আৰু এন চি পিৰ মুৰববী অজিত পাৱাৰে ৰাজ্যখনত নতুন চৰকাৰ গঠন সন্দৰ্ভত আলোচনা কৰিবলৈ কালি নতুন দিল্লীত কেন্দ্রীয় গৃহমন্ত্রী অমিত শ্বাহক সাক্ষাৎ কৰে। সাক্ষাৎকালত কেন্দ্ৰীয় মন্ত্ৰী জগৎ প্রকাশ নাড্ডাও উপস্থিত আছিল। শ্রীসিন্দেই ইতিমধ্যে প্রকাশ কৰিছে যে, ৰাজ্যখনত চৰকাৰ গঠনৰ ক্ষেত্ৰত তেওঁ বাধা হিচাপে থিয় নিদিয়ে আৰু বিজেপিৰ কেন্দ্ৰীয় নেতৃত্বই ৰাজ্যখনৰ মুখ্যমন্ত্ৰীৰ পদ সন্দৰ্ভত যি সিদ্ধান্ত ল’ব, তাকেই তেওঁ মানি চলিব। পাছত সামাজিক মাধ্যমত লিখা এটা পোষ্টত বিজেপি নেতা দেৱেন্দ্ৰ ফাড়নবিছে ৰাজ্যখনৰ বিধানসভা নিৰ্বাচনত আগবঢ়োৱা সমর্থনৰ বাবে কেন্দ্ৰীয় গৃহমন্ত্ৰীগৰাকীৰ শলাগ লয়। তেওঁ লগতে শ্ৰীশ্বাহে দলীয় কর্মীসকলক অনুপ্ৰাণিত কৰা বাবেও ধন্যবাদ জনায়।