খেলো ইণ্ডিয়া পেৰা ক্ৰীড়া প্রতিযোগিতাত শ্বুটিং শিতানৰ দহ মিটাৰ এয়াৰ ৰাইফল প্রন মিক্সড এছ এইচ ৱানত সাগৰ বালাচাহেব কাটালে সোণৰ পদক অৰ্জন কৰিছে। নতুন দিল্লীৰ ড০ কানি সিং শ্বুটিং বেঞ্জত অনুষ্ঠিত প্রতিযোগিতাখনত মনা আগৰৱালে ৰূপৰ পদক অর্জন কৰাৰ লগতে দীপক চাইনীয়ে ব্ৰঞ্জৰ পদক অৰ্জন কৰে। আকাশবাণী বাতৰি বিভাগৰ সৈতে হোৱা কথা বতৰাত মনা আগৰৱালে কয় যে এই প্রতিযোগিতাই দেশজুৰি যুৱ তথা উদীয়মান প্রতিভাক চিনাক্ত কৰি আগবাঢ়ি যোৱাৰ ক্ষেত্ৰত গুৰুত্বপূর্ণ ভূমিকা গ্ৰহণ কৰিছে। প্রত্যাশী খেলুৱৈসকলক ধৈৰ্য্যৰ সৈতে খেল অব্যাহত ৰাখি তেওঁলোকৰ ক্ৰীড়া দক্ষতা উন্নীত কৰাৰ বাবে নিষ্ঠা প্ৰদৰ্শন কৰিবলৈ আহ্বান জনায়। পেবা অলিম্পিকত সোণৰ পদক অৰ্জন কৰা অবনি লেখাবাই মহিলাৰ দহ মিটাৰ এয়াৰ ৰাইফল ষ্টেণ্ডিং এছ এইচ ৱান শিতানত শীর্ষ স্থান দখল কৰে। আনহাতে প্রতিযোগিতাত মনা আগৰৱালে ৰূপৰ পদক অর্জন কৰাৰ লগতে আকাংক্ষাই ব্ৰঞ্জৰ পদক দখল কৰে। খেলো ইণ্ডিয়া পেৰা ক্ৰীড়া প্রতিযোগিতাত শ্বুটাৰ তথা পেৰা আৰ্ছাবসকলে আজি বিশেষ দক্ষতা প্রদর্শন কৰে। ড০ কার্নি সিং শ্বুটিং ৰেঞ্জত আয়োজিত প্রতিযোগিতাত সুমেধা পাঠকে মহিলাৰ দহ মিটাৰ এয়াৰ পিষ্টল এছ এইচ ৱান শাখাত সোণৰ পদক অর্জন কৰে। কবিনা ফেন্সিছে ৰূপৰ পদক অর্জন কৰাৰ লগতে অমিতা কুমাৰীয়ে ব্ৰঞ্জৰ পদক দখল কৰে।