ডাউনলোড
মোবাইল এপ

android apple
signal

March 6, 2025 7:54 PM | Womens day

printer

৮ মাৰ্চৰ আন্তৰ্জাতিক নাৰী দিৱসৰ লগত সংগতি ৰাখি হোজাইত বিশেষ কাৰ্যসূচীৰ আয়োজন

৮ মাৰ্চৰ আন্তৰ্জাতিক নাৰী দিৱসৰ লগত সংগতি ৰাখি হোজাই জিলাত জিলা প্ৰশাসন আৰু নাবাৰ্ডৰ উদ্যোগত আজিৰে পৰা তিনিদিনীয়াকৈ বিশেষ কাৰ্যসূচীৰ আয়োজন কৰা হৈছে। ২ নম্বৰ কাকী অঞ্চলৰ নৱনিৰ্মিত জিলা পৰিষদৰ কাৰ্যালয়ত আজি বিভিন্ন ব্যৱসায়ৰ সৈতে জড়িত ১০গৰাকী মহিলাক সম্বৰ্দ্ধনা জনোৱা হয়। সেই স্থানতে কেইবাটাও মহিলা গোটে নিজে প্রস্তুত কৰা সামগ্ৰীৰে এখন প্ৰদৰ্শনীও মুকলি কৰে।

আন্তর্জাতিক নাৰী দিৱসৰ সৈতে সংগতি ৰাখি ডিব্ৰুগড় জিলা প্ৰশাসনৰ উদ্যোগত জিলা আয়ুক্ত কাৰ্যালয়ৰ প্রশিক্ষণ কেন্দ্ৰত কাইলৈ এটা বিনামূলীয়া চিকিৎসা শিবিৰৰ আয়োজন কৰা হৈছে। এই চিকিৎসা শিবিৰত মহিলাৰ স্বাস্থ্য সচেতনতা সন্দৰ্ভত এখন সজাগতামূলক আলোচনাচক্রও অনুষ্ঠিত হব। শিবিৰত মহিলাসকলৰ মুখ গহ্বৰ, স্তন আৰু জৰায়ুৰ কৰ্কট ৰোগৰ বিনামূলীয়া পৰীক্ষণ কৰা হব। জিলা প্রশাসনে এই কার্যসূচীত অংশগ্ৰহণ কৰিবলৈ মহিলা আৰু কিশোৰীসকলক আহ্বান জনাইছে। উল্লেখযোগ্য যে সমগ্র বিশ্বতে ৮ মাৰ্চত আন্তৰ্জাতিক নাৰী দিৱস পালন কৰা হব। এই দিনটোতেই ৰাষ্ট্ৰীয়, জাতিগত, ভাষিক, সাংস্কৃতিক, অর্থনৈতিক আৰু ৰাজনৈতিক সীমা নেওচি মহিলাসকলক তেওঁলোকৰ সাফল্যৰ জৰিয়তে চিনাক্ত কৰা হয়। এই বছৰৰ আন্তঃৰাষ্ট্ৰীয় নাৰী দিৱসৰ বিষয়বস্তু হৈছে সকলো নাৰী আৰু কিশোৰীৰ বাবে : অধিকাৰ, সমতা, সবলীকৰণ।

অধিক পঢ়ক

সকলো চাওক