অসম দক্ষতা বিশ্ববিদ্যালয়ক বিশ্ববিদ্যালয় অনুদান আয়োগে স্বীকৃতি প্ৰদান কৰিছে। মুখ্যমন্ত্রী হিমন্ত বিশ্ব শৰ্মাই কালি সামাজিক মাধ্যম যোগে এই কথা জানিবলৈ দিয়ে। এই সন্দৰ্ভত মুখ্যমন্ত্রী শৰ্মাই কয় যে ৰাজ্যৰ যুৱশক্তিৰ দক্ষতা বিকাশ অর্থে অসম দক্ষতা বিশ্ববিদ্যালয়ে নিত্য নতুন কৌশল অৱলম্বন কৰিছে। ৰাজ্যৰ যুৱক-যুৱতীসকলক কাৰিকৰী শিক্ষা বা দক্ষতা বিকাশৰ দিশত ভূমিকা গ্ৰহণ কৰাৰ লগতে ইউ জি চিৰ স্বীকৃতিয়ে বিশ্ববিদ্যালয়খনৰ পাঠ্যক্ৰমৰ বিশ্বাসযোগ্যতা বৃদ্ধি কৰিব বুলিও মুখ্যমন্ত্ৰীগৰাকীয়ে উল্লেখ কৰে।