তুৰস্কত কালি আংকাৰাস্থিত চৰকাৰী মহাকাশ আৰু প্ৰতিৰক্ষা উদ্যোগ টুছাছৰ চৌহদত সংঘটিত এটা আক্ৰমণৰ ঘটনাত কমেও ৫ জন লোক নিহত হোৱাৰ লগতে ২২ জন লোক আহত হৈছে। ঘটনাৰ সময়ত নিৰাপত্তা বাহিনীয়ে দুটা সন্ত্রাসবাদীক নিধন কৰে। এই পর্যন্ত কোনো সশস্ত্র গোটে আক্ৰমণৰ দায়িত্ব স্বীকাৰ কৰা নাই যদিও তুৰস্কৰ প্ৰতিৰক্ষা মন্ত্রী ইয়াছাৰ গুলেৰে উগ্ৰপন্থী সংগঠন কুর্দিস্তান ৱৰ্কাৰছ পার্টি বা পিকেকে জড়িত থকাৰ সন্দেহ প্রকাশ কৰিছে। তুৰস্ক, ইউৰোপীয় সংঘ আৰু আমেৰিকাই পিকেকেক সন্ত্ৰাসবাদী সংগঠন হিচাপে শ্ৰেণীভুক্ত কৰিছে। তুৰস্কৰ ৰাষ্ট্ৰপতি ৰেচেপ টাইব এৰদোগান ব্রিকছ শীর্ষ সন্মিলনত অংশগ্ৰহণৰ বাবে ৰাছিয়াৰ কাজানত উপস্থিত থকাৰ সময়তে এই আক্রমণ সংঘটিত হয়।
ৰাছিয়াৰ ৰাষ্ট্ৰপতি ভ্লাদিমিৰ পুটিনৰ সৈতে এই আক্রমণক গৰিহণা দি তুৰস্কৰ ৰাষ্ট্ৰপতিগৰাকীয়ে শোক প্ৰকাশ কৰিছে। এই আক্ৰমণৰ প্ৰত্যুত্তৰত তুৰস্কৰ বায়ুসেনাই ইৰাক আৰু ছিৰিয়াত থকা কুর্দিছ সন্ত্ৰাসবাদীৰ ৩০টাৰো অধিক ঘাটি বিমান আক্ৰমণৰ যোগেদি ধ্বংস কৰা বুলি দাবী কৰিছে।