দেশৰ বিভিন্ন অঞ্চলত আজি আশ্বুৰা-ই-মহৰম ধৰ্মীয় ৰীতি-নীতিৰে পালন কৰা হৈছে। কাৰবালাত সত্য আৰু ন্যায়ৰ হকে প্ৰাণ আহুতি দিয়া পয়গম্বৰ মহম্মদৰ নাতিয়েক হজৰত ইমাম হুছেইন আৰু তেওঁৰ সহযোগীসকলৰ স্মৃতিত এই পৰ্ব পালন কৰা হয়। এই উপলক্ষে সমগ্র দেশতে তাজিয়া সমদল উলিওৱা হয়। কাৰবালাৰ শ্বহীদসকলৰ সৰ্বোচ্চ ত্যাগৰ প্ৰতি আলোকপাত কৰি ধৰ্মীয় সভা আৰু মজলিছৰো আয়োজন কৰা হয় ।
ৰাজ্যৰ ভিন ভিন প্ৰান্ততো শান্তিপূর্ণভাৱে মহৰম উদযাপন কৰা হয়। কৰিমগঞ্জ জিলাত মহৰম উপলক্ষে বদৰপুৰ চৌমাঠাত পথচাৰীক শীতল খোৱাপানী বিতৰণ কৰা হয় ৷