তিনিচুকীয়া জিলাৰ ফিল’বাৰীৰ শ্ৰীশ্ৰীটিপুক মায়ামৰা দ্বাৰকা সত্ৰৰ সত্ৰাধিকাৰৰূপে হৰকান্ত মহন্তই কালি সত্ৰৰ ৰীতি-নীতিৰ মাজেৰে দায়িত্ব গ্ৰহণ কৰে। এই উপলক্ষে সত্ৰত গায়ন-বায়ন, গোসাঁই পতা খেৰি, আয়তী উৰুলিৰ ধ্বনিৰে ধৰ্মীয় ৰীতি-নীতি অনুসৰি আহোম, কছাৰী আৰু খাটোৱাল তিনিবুঢ়াই আগুৱাই নি হৰকান্ত মহন্তক সত্ৰাধিকাৰৰ আসনত বহুৱায়। সত্ৰাধিকাৰগৰাকীয়ে তেওঁৰ নেতৃত্বত অপ-সংস্কৃতি প্রতিহত কৰি নতুন চিন্তা-চেতনাৰে আগুৱাই শক্তিশালী সাংস্কৃতিক আৰু ধৰ্মীয় সমাজ প্ৰতিষ্ঠা কৰিবলৈ নতুন প্রজন্মকো উৎসাহিত কৰিব বুলি আশা প্ৰকাশ কৰা হৈছে।