তিনিচুকীয়া জিলাৰ মাকুমৰ দ্বিতীয় অসম আৰক্ষী বাহিনীৰ মুখ্য কাৰ্যালয়ৰ সমীপত কালি সংঘটিত অগ্নিকাণ্ডত তিনিখন ক্ষুদ্র ব্যৱসায়িক প্রতিষ্ঠান ভস্মীভূত হোৱাৰ লগতে আন দুখন ব্যৱসায়িক প্ৰতিষ্ঠানৰ সামান্য ক্ষয়-ক্ষতি হয়। ব্যৱসায়িক প্ৰতিষ্ঠানকেইখনৰ সমীপত জ্বলি থকা শুকান জাৱৰৰ দ’মৰ পৰা এই অগ্নিকাণ্ডৰ সূত্রপাত হয় বুলি স্থানীয় ৰাইজে জনাইছে। ঘটনাস্থলীত অগ্নিনির্বাপক বাহিনী উপস্থিত হোৱাৰ পূৰ্বেই স্থানীয় ৰাইজে জুই নির্বাপন কৰে ।