টেন্সপাৰেন্সি ইণ্টাৰনেচনেল নামৰ এটা সংস্থাৰ প্ৰতিবেদনত পাকিস্তানক বিশ্বৰ দুৰ্নীতিগ্ৰস্ত দেশসমূহৰ ভিতৰত অন্যতম বুলি কোৱা হৈছে। পাকিস্তানত সকলো চৰকাৰী খণ্ড, ন্যায়পালিকা আৰু সমাজত এই বিভীষিকা শিপাই থকা বুলি প্ৰতিবেদনত উল্লেখ কৰা হৈছে। এই সপ্তাহৰ আগভাগত প্ৰকাশ কৰা এই প্রতিবেদন অনুসৰি পাকিস্তান দুর্নীতি সচেতনতা সূচাংকত ১৮০ খন দেশৰ ভিতৰত ১৩৫ সংখ্যক স্থানত আছে। উল্লেখযোগ্য যে, পাকিস্তানৰ নিৰ্বাচন আয়োগে ২০২২ চনত প্ৰাক্তন প্রধানমন্ত্ৰী ইমৰাণ খানক সাংসদ পদৰ বাবে অযোগ্য ঘোষণা কৰিছিল আৰু দুৰ্নীতিত লিপ্ত থকাৰ অভিযোগত আইনী ব্যৱস্থা গ্ৰহণ কৰিছিল। দুবছৰ পাছত শ্বৰীফ চৰকাৰৰ বিৰুদ্ধেও একে ধৰণৰ অভিযোগ উত্থাপিত হৈছিল। গভীৰ অৰ্থনৈতিক সংকট দেশখনৰ বৰ্তমান পৰিস্থিতিৰ প্ৰধান কাৰক বুলি কোৱা হৈছে। দেশখনত মুদ্রাস্ফিতি বৃদ্ধি পোৱাৰ বাবে জনসাধাৰণে স্বাস্থ্যসেৱাকে ধৰি বুনিয়াদী আৱশ্যকতা পূৰণৰ বাবে সংগ্ৰাম কৰিবলগীয়া হৈছে। আন্তঃৰাষ্ট্ৰীয় সংস্থা আৰু মৈত্ৰী ৰাষ্ট্ৰসমূহৰ পৰা ধাৰে লোৱা ধনেৰে দেশখনৰ অৰ্থব্যৱস্থা বৰ্তি আছে।