ভাৰত আৰু দক্ষিণ আফ্ৰিকাৰ মাজৰ চাৰিখনীয়া টি-টুৱেণ্টি ক্রিকেট শৃংখলাৰ প্ৰথমখন খেল আজি ডাৰবানৰ কিংছমিডত অনুষ্ঠিত হ‘ব। খেলখন ভাৰতীয় সময় অনুসৰি নিশা চাৰে ৮ বজাত আৰম্ভ হ‘ব। শৃংখলাৰ দ্বিতীয়খন খেল দেওবাৰে গেকেবেৰাত খেলোৱা হ‘ব। তৃতীয়খন খেল চেঞ্চুৰিয়নত আৰু চতুর্থ তথা অন্তিমখন খেল জোহান্সবার্গত অনুষ্ঠিত হ‘ব। দুয়োটা দল ইয়াৰ পূৰ্বে ব্ৰীজ টাউনৰ কেছিংটন অভেলত টি-টুৱেন্টি বিশ্বকাপ ফাইনেলত সন্মুখীন হৈছিল। ভাৰত এই ৰোমান্সকৰ খেলখনত ৭ ৰাণত জয়ী হৈছিল। দক্ষিণ আফ্রিকা ভ্রমণ টি-টুৱেণ্টিৰ অধিনায়ক সূৰ্যকুমাৰ যাদৱ নেতৃত্বাধীন ভাৰতীয় যুৱ দলটোৰ বাবে ভৱিষ্যতে মূল গোটত স্থান লাভৰ এটা ভাল সুযোগ ৰূপে পৰিগণিত হ‘ব। ভাৰত সম্প্ৰতি আই চি চিৰ পুৰুষৰ টি-টুৱেণ্টিৰ দলীয় বাছনি তালিকাত শীৰ্ষত থকাৰ বিপৰীতে দক্ষিণ আফ্রিকা ষষ্ঠ স্থানত আছে।