বিজেপিয়ে উচ্ছেদ কাৰ্য্য সন্দৰ্ভত উচ্চতম ন্যায়ালয়ৰ ৰায়ৰ প্ৰতি আদৰণি জনাই এই ৰায় অকল এখন ৰাজ্যৰ বাবে নহয়, বৰং সমগ্ৰ দেশৰ বাবে বুলি মন্তব্য কৰিছে। উচ্চতম ন্যায়ালয়ৰ ৰায় সন্দৰ্ভত আজি নতুন দিল্লীত সাংবাদিকে সোধা এটা প্ৰশ্নৰ উত্তৰত দলৰ মুখপাত্র সম্বিত পাত্ৰই কয় যে, ভাৰতত আইনৰ শাসন আছে আৰু দেশত নীতি-নিয়ম তথা সংবিধান অনুযায়ীহে ব্যৱস্থা গ্ৰহণ কৰা হয়। তেওঁ কয় যে, অপৰাধীৰ মনত ভয় আৰু জনসাধাৰণৰ মনত শান্তিৰ ভাৱনাৰ উদয় দেশৰ বাবে শুভ। কংগ্ৰেছেও সর্বোচ্চ ন্যায়ালয়ৰ ৰায়ৰ প্ৰতি আদৰণি জনাইছে। দলৰ সাংসদ ৰঞ্জিত ৰঞ্জনে আজি নতুন দিল্লীত সাংবাদিকৰ আগত কয়, যে তেওঁৰ দলে উচ্ছেদ কাৰ্য্যৰ বিৰোধিতা কৰি আহিছে। সৰ্বোচ্চ ন্যায়ালয়ৰ ৰায়ে উচ্ছেদ কাৰ্য্যক প্ৰত্যাখান কৰি বিজেপিৰ উদঙাই দিছে বুলি তেওঁ অভিযোগ তোলে।