নুমলীগড় উচ্চতৰ মাধ্যমিক বিদ্যালয়ে চলিত সুব্রত কাপ আন্তর্জাতিক ফুটবল প্রতিযোগিতাৰ ল’ৰাৰ ১৭ বছৰ অনুৰ্ধৰ অন্তিম গ্রুপ খেলত জয়লাভ কৰিছে। দলটোৱে উত্তৰাখণ্ডৰ ডেৰাডুনৰ মহাৰাণা প্রতাপ ক্রীড়া মহাবিদ্যালয়ক ৮-০ গ’লৰ ব্যৱধানত পৰাস্ত কৰে। বিজয়ী দলৰ হৈ বিলিফাং বড়ো আৰু আকাশ লোহাৰে তিনিটাকৈ গ’ল দিয়ে। আনহাতে, মদন ৰায় চাংচানে এটাকৈ গ’ল কৰে। উল্লেখযোগ্য যে গ্রুপ ‘এ’ত স্থান লাভ কৰা নুমলীগড় উচ্চতৰ মাধ্যমিক বিদ্যালয়ে চাৰিখন খেলৰ ৩ খনত জয়লাভ কৰিছে। প্ৰতিযোগিতাৰ সূচী অনুসৰি মুঠ ৮ টা গ্ৰুপৰ প্ৰতিটোৰে চেম্পিয়ন দলটোৱে কোৱাৰ্টাৰ ফাইনেললৈ যোগ্যতা অৰ্জন কৰিব। শ্রী লংকাই আজি অন্তিম গ্রুপ মেচত মুম্বাইৰ ছিংগাপুৰ আন্তঃৰাষ্ট্ৰীয় বিদ্যালয়ৰ বিৰুদ্ধে খেলিব।