◊ শ্ৰীমন্ত শংকৰদেৱ স্বাস্থ্য বিজ্ঞান বিশ্ববিদ্যালয়ে MBBSৰ চূড়ান্ত পৰীক্ষাত ফলাফল কালি ঘোষণা কৰিছে। শ্ৰীমন্ত শংকৰদেৱ স্বাস্থ্য বিজ্ঞান বিশ্ববিদ্যালয়ে ঘোষণা কৰা চূড়ান্ত পৰীক্ষাত যোৰহাট চিকিৎসা মহাবিদ্যালয়ৰ শিক্ষাৰ্থীয়ে শীর্ষ ২০ স্থানৰ ভিতৰত ৭টা স্থান দখল কৰিবলৈ সক্ষম হৈছে। কৃতিত্বৰে উত্তীৰ্ণ হোৱা শিক্ষাৰ্থী কেইগৰাকী হৈছে বিক্ৰম সূত্ৰধৰ, মধুসুদন কলিতা, বিদিশা ৰয়, ইভলিনা যোগী, আমান আহমেদ, ৰক্তিম হাজৰিকা আৰু জ্ঞানদীপ চহৰীয়া। উল্লেখ্য যে বিক্ৰম সূত্ৰধৰে মেডিচিন, চাৰ্জাৰী বিষয়ত সন্মানসহ দ্বিতীয় স্থান আৰু মধুসুদন কলিতাই চাৰ্জাৰী বিষয়ত সন্মানসহ তৃতীয় স্থান দখল কৰি মহাবিদ্যালয়খনলৈ গৌৰৱ কঢ়িয়াই আনে।