ভাৰতৰ আনাহত সিঙে ইংলেণ্ডৰ বার্মিংহামত অনুষ্ঠিত ব্ৰিটিছ জুনিয়ৰ অ’পেন স্কোৱছ প্ৰতিযোগিতাৰ ফাইনেলত প্ৰৱেশ কৰিছে৷ কালি ১৭ বছৰ অনূৰ্ধ্বৰ ছোৱালীৰ একক খিতাপৰ ছেমি ফাইনেলত আনাহত সিঙে ইজিপ্তৰ ৰুকায়া চেলেমক ৩-১ ফলাফলত পৰাস্ত কৰে। ফাইনেলত আনাহত ইজিপ্তৰ মালিকা এল কাৰাক্সীৰ মুখামুখি হ’ব। ছেমিফাইনেলত মালিকা এল কাৰাক্সীয়ে হংকঙৰ হেলেন টাঙক ৩-১ ফলাফলত পৰাস্ত কৰে৷ উল্লেখ্য যে বিশ্ব জুনিয়ৰ স্কোৱছ চেম্পিয়নশ্বিপৰ পিছতে ব্ৰিটিছ জুনিয়ৰ অ’পেনক দ্বিতীয় সর্বাধিক সন্মানীয় জুনিয়ৰ অ’পেন স্কোৱছ চেম্পিয়নশ্বিপ হিচাপে গণ্য কৰা হয়।