উচ্চতম ন্যায়ালয়ে আদালতৰ কৰ্ম সম্পাদনৰ সময়ৰ ক্ষেত্ৰত নিয়মৰ কিছু সাল-সলনি ঘটাইছে। শেহতীয়া সংশোধনী অনুসৰি এতিয়াৰে পৰা উচ্চতম ন্যায়ালয়ৰ কামৰ সময় হ’ব পুৱা ১০ বজাৰ পৰা বিয়লি ৫ বজালৈ। তদুপৰি সৰ্বোচ্চ ন্যায়ালয়ৰ শেহতীয়া জাননীত প্ৰকাশ পোৱা মতে বন্ধৰ দিনসমূহৰ লগতে প্ৰতি মাহৰ দ্বিতীয় আৰু চতুৰ্থ শনিবাৰে ন্যায়ালয়ৰ কাৰ্যালয় বন্ধ থাকিব। এই নতুন সময় সূচী অহা ১ আগষ্টৰ পৰা কাৰ্যকৰী হ’ব বুলি জাননীখনত প্ৰকাশ কৰিছে।