কেন্দ্রীয় মন্ত্রী সর্বানন্দ সোণোৱালে দীপাৱলী আৰু কালীপূজা উপলক্ষে কালি তিনিচুকীয়া জিলা ভ্রমণ কৰে। কেন্দ্ৰীয় মন্ত্ৰীগৰাকীয়ে তিনিচুকীয়াৰ নিউ মার্কেট কালী পূজাস্থলীত উপস্থিত হৈ দেৱীৰ আশিস গ্ৰহণ কৰে। ইপিনে, দীপাৱলী উপলক্ষে গুৱাহাটী মহানগৰীও বৰ্ণময় আলোকেৰে উজলি উঠে। মাটিৰ চাকিৰ পোহৰৰ সমান্তৰালভাৱে ৰং-বিৰঙী আলোকসজ্জাৰে মহানগৰীত দৃষ্টিনন্দন পৰিৱেশৰ সৃষ্টি হয়। আনহাতে, চিৰাঙৰ পানবাৰীত নদিনীয়া কাৰ্যসূচীৰে কালীপূজা পালন কৰা হৈছে। কালি জিলাখনৰ ছিদলী বিধানসভা সমষ্টিৰ উপ-নিৰ্বাচনৰ এন ডি এ সমর্থিত ইউ পি পি এলৰ প্ৰাৰ্থী প্রার্থী নিৰ্মল কুমাৰ ব্ৰহ্ম আৰু কোকৰাঝাৰৰ সাংসদ জয়ন্ত বসুমতাৰীয়ে পানবাৰীৰ কালী মন্দিৰত দেৱীৰ আশিস গ্ৰহণ কৰে।