গুৱাহাটীৰ শ্ৰীমন্ত শংকৰদেৱ কলাক্ষেত্ৰৰ শ্ৰীশ্ৰী মাধৱদেৱ আন্তর্জাতিক প্ৰেক্ষাগৃহত অহা ১২ মে’ৰ সন্ধিয়া ৬ বজাত দিছপুৰ মহাবিদ্যালয়ৰ ড্রামাটিক ছ’চাইটীৰ উদ্যোগত জ্যোতিপ্ৰসাদ আগৰৱালাৰা বহু সমাদৃত নাটক ‘কাৰেঙৰ লিগিৰী’ মঞ্চস্থ কৰা হ’ব। বিশিষ্ট নাট পৰিচালক মাণিক আহমেদৰ দ্বাৰা পৰিচালিত আৰু দিছপুৰ মহাবিদ্যালয়ৰ ছাত্ৰ-ছাত্ৰীৰ দ্বাৰা অভিনীত নাটকখনি শিক্ষামন্ত্রী ডাঃ ৰণোজ পেগুৱে উদ্বোধন কৰিব। নাট্যানুষ্ঠানটোত গুৱাহাটী বিশ্ববিদ্যালয়ৰ অধ্যাপক ড০ ননীগোপাল মহন্তৰ লগতে আনকেইবাজনো বিশিষ্ট ব্যক্তি উপস্থিত থাকিব।