বৈদেশিক পৰিক্ৰমা মন্ত্ৰী ড° এছ জয়শংকৰে ভাৰত আৰু আমেৰিকা যুক্তৰাষ্ট্ৰৰ মাজৰ সন্ত্ৰাসবাদ বিৰোধী সহযোগিতাৰ প্ৰশংসা কৰিছে। ২৬/১১ৰ মুম্বাই আক্ৰমণৰ মূল খলনায়ক তহববুৰ হুছেইন ৰাণাৰ প্ৰত্যপূৰ্ণ সন্দৰ্ভত আমেৰিকা যুক্তৰাষ্ট্ৰৰ প্ৰদেশ সচিব মার্কো ৰুবিঅ’ৰ সামাজিক মাধ্যমৰ এটা বাৰ্তাৰ উত্তৰ দি ড° জয়শংকৰে কয়, যে এই আক্ৰমণৰ ভুক্তভোগী লোকসকলৰ প্ৰতি ন্যায় সুনিশ্চিত কৰাৰ ক্ষেত্ৰত এয়া নিশ্চিতভাৱে এটা বৃহৎ পদক্ষেপ। শ্ৰীৰুবিঅ’ই তেওঁৰ বাৰ্তাত উল্লেখ কৰে যে তহববুৰ ৰাণাক ২০০৮ চনৰ মুম্বাই সন্ত্রাসবাদী আক্ৰমণৰ পৰিকল্পনা যুগুত কৰাৰ বিৰুদ্ধে গোচৰসমূহৰ সন্মুখীন হ’বলৈ আমেৰিকা যুক্তৰাষ্ট্ৰই ভাৰতলৈ প্ৰত্যপূৰ্ণ কৰাইছে। তেওঁ কয়, যে ভাৰতৰ লগতে আমেৰিকা যুক্তৰাষ্ট্ৰই দীৰ্ঘদিন ধৰি এই আক্ৰমণত নিহত হোৱা ছগৰাকী মার্কিন নাগৰিককে ধৰি ১৬৬ জন লোকৰ মৃত্যুৰ ন্যায়ৰ অপেক্ষাত আছে। শ্ৰীৰুবিঅ’ই বৰ্তমান সেই দিন সমাগত বুলি সন্তুষ্টি প্ৰকাশ কৰে।