পাঠশালাত ১০ লাখ টকা ব্যয় সাপেক্ষ ক্রীড়া সামগ্ৰী আৰু পাঠশালা টাউন ক্লাবৰ আন্তঃগাঁথনি উন্নয়নৰ বাবে মন্ত্ৰী ৰণজিত কুমাৰ দাসে আজি ৫ লাখ টকাৰ চেক প্ৰদান কৰে। বজালী উচ্চতৰ মাধ্যমিক বিদ্যালয় খেলপথাৰত অসম চৰকাৰৰ ক্ৰীড়া আৰু যুৱ কল্যাণ বিভাগৰ তত্ত্বাৱধানত অনুষ্ঠিত এটা অনুষ্ঠানত মন্ত্ৰী দাসে ভাষণ দি কয়, যে যুৱক-যুৱতীৰ ভৱিষ্যত গঢ় দিয়াত ক্ৰীড়াৰ গুৰুত্বপূৰ্ণ ভূমিকা আছে। ক্রীড়াৰ প্ৰয়োজনীয়তাৰ ক্ষেত্ৰত গুৰুত্ব আৰোপ কৰি তেওঁ যুৱ খেলুৱৈসকলক প্ৰদান কৰা সা-সুবিধাসমূহৰ সৰ্বোত্তম ব্যৱহাৰ কৰিবলৈ আহ্বান জনায়।