ৰাজ্যসভাত আজি উত্থাপন হোৱা বিমান সামগ্ৰীৰ স্বাৰ্থ সুৰক্ষা বিধেয়ক, ২০২৫ বিবেচনাৰ বাবে গ্ৰহণ কৰা হৈছে। এই সন্দৰ্ভত হোৱা আলোচনাৰ সময়তে কংগ্ৰেছ সাংসদ নীজ ডাংগিয়ে বিমান বন্দৰসমূহৰ ব্যক্তিগতকৰণ আৰু বিমান যাত্ৰাৰ উচ্চ নিৰিখৰ বিষয়টো উত্থাপন কৰে। দেশৰ সাধাৰণ জনগণে উচ্চমানৰ নিৰিখ বহন কৰিবলৈ সমৰ্থ নহয় বুলি মন্তব্য কৰি সাংসদজনে চৰকাৰৰ উড়ান আঁচনিৰ সন্দৰ্ভতো প্রশ্ন উত্থাপন কৰে। সাংসদজনে লগতে দেশৰ এয়াৰ এম্বুলেঞ্চ সেৱাৰ প্ৰসাৰৰ প্ৰয়োজন বুলিও সদনত উল্লেখ কৰে। বিজেপিৰ সাংসদ ভীমৰাও মহাডিকে কংগ্ৰেছ সাংসদজনৰ প্ৰশ্নৰ উত্তৰ দি দেশত অসামৰিক বিমান সেৱা খণ্ডৰ দ্ৰুত উন্নয়ন হৈছে বুলি তথ্য দাঙি ধৰে। তেওঁ কয়, যে দেশত ২০১৪ চনত মাত্র ৭৪ টা কাৰ্যক্ষম বিমান বন্দৰ থকাৰ পৰিৱৰ্তে বৰ্তমান ইয়াৰ সংখ্যা ১৪৯ টালৈ বৃদ্ধি পাইছে ।