প্ৰতিৰক্ষা মন্ত্ৰী ৰাজনাথ সিঙে আজি নতুন দিল্লীত আমেৰিকা যুক্তৰাষ্ট্ৰৰ ৰাষ্ট্ৰীয় চোৰাংচোৱা বিভাগৰ সঞ্চালক তুলচী গাববাদৰ সৈতে এখন বৈঠকত মিলিত হয়। বৈঠকত নেতা দুগৰাকীয়ে দুয়োখন দেশৰ মাজত থকা সামগ্রিক আন্তঃৰাষ্ট্ৰীয় কৌশলগত সহযোগিতাৰ বাবে কৌশলগত সুৰক্ষা অন্যতম গুৰুত্বপূৰ্ণ কাৰক বুলি মত প্ৰকাশ কৰে। বৈঠকত তেওঁলোকে ভাৰত আৰু আমেৰিকা যুক্তৰাষ্ট্ৰৰ মাজত সামৰিক অনুশীলন, কৌশলগত সহযোগিতা আৰু বিশেষকৈ সামুদ্রিক প্রেক্ষাপটত তথ্য আদান প্রদান সহযোগিতা সন্দৰ্ভত পর্যালোচনা কৰে। পাৰস্পৰিক কৌশলগত স্বার্থসমূহক আগুৱাই নিয়াৰ দিশত প্ৰতিৰক্ষা উদ্ভাৱনৰ শেহতীয়া উৎকৃষ্টমানৰ প্ৰযুক্তিসমূহৰ ক্ষেত্ৰত কিদৰে সহযোগিতাৰে আগবাঢ়িব পাৰি সেই বিষয়ে দুয়োগৰাকী নেতাই আজিৰ বৈঠকতে আলোচনা কৰে বুলি প্ৰতিৰক্ষা মন্ত্ৰালয়ে এটা বিবৃতিযোগে প্ৰকাশ কৰিছে। আমাৰ সংবাদদাতাই জানিবলৈ দিয়া অনুসৰি ভাৰত-আমেৰিকা যুক্তৰাষ্ট্ৰ দ্বিপাক্ষিক প্ৰতিৰক্ষা অংশীদাত্বিক অধিক শক্তিশালী কৰি তোলাৰ ক্ষেত্ৰত আজিৰ বৈঠকে যথেষ্ট তাৎপর্য বহন কৰিছে।
Site Admin | March 17, 2025 7:54 PM | Rajnath Singh
আমেৰিকা যুক্তৰাষ্ট্ৰৰ ৰাষ্ট্ৰীয় চোৰাংচোৱা বিভাগৰ সঞ্চালক তুলচী গাববাদৰ সৈতে ৰাজনাথ সিঙৰ বৈঠক
