প্রাক্তন প্রধানমন্ত্ৰী প্ৰয়াত ৰাজীৱ গান্ধীৰ জয়ন্তী উপলক্ষে আজি দেশজুৰি শ্রদ্ধা নিবেদন কৰা হৈছে। প্রধানমন্ত্ৰী নৰেন্দ্ৰ মোদীয়ে আজি প্রাক্তন প্রধানমন্ত্ৰীগৰাকীৰ জয়ন্তীত শ্রদ্ধা জ্ঞাপন কৰে। প্ৰাক্তন প্রধানমন্ত্ৰীগৰাকীৰ ৮০ সংখ্যক জয়ন্তী উপলক্ষে আজি কংগ্ৰেছ দলৰ ৰাষ্ট্ৰীয় সভাপতি মল্লিকার্জুন খাগেই তেওঁক স্মৰণ কৰাৰ লগতে সামাজিক মাধ্যমযোগে শ্রদ্ধা নিবেদন কৰে। এক্স হেণ্ডেলত শ্ৰীখাৰ্গেই প্রধানমন্ত্ৰীগৰাকীক শ্রদ্ধা জনাই তেওঁ কয় যে প্রয়াত গান্ধীয়ে অভূতপূৰ্ব অৱদানেৰে ভাৰতক একবিংশ শতিকালৈ আগবঢ়াই লৈ গ’ল। লোকসভাৰ বিৰোধী দলৰ নেতা ৰাহুল গান্ধীয়ে আজি প্রয়াত গান্ধীৰ জয়ন্তীত শ্রদ্ধাঞ্জলি জ্ঞাপন কৰে। সামাজিক মাধ্যমযোগে তেওঁ প্রাক্তন প্রধানমন্ত্ৰীগৰাকীক কৰুণাময় ব্যক্তিত্ব, সৌহার্দ্য আৰু সম্ভাৱনাৰ প্ৰতীক বুলি অভিহিত কৰে৷ আজি প্ৰাক্তন প্রধানমন্ত্ৰীগৰাকীৰ জন্মদিন সম্ভাৱনা দিৱস উপলক্ষে লোকসভাত বিৰোধী দলৰ উপ- দলপতি গৌৰৱ গগৈয়ে তেওঁৰ স্মৃতি শ্রদ্ধা নিবেদন কৰে। সামাজিক মাধ্যমযোগে দিয়া এটা বাৰ্তাত ভাৰতে প্ৰাক্তন প্রধানমন্ত্ৰীগৰাকীক এখন সৰ্বাত্মক ভাৰত গঢ়ি তোলাৰ ক্ষেত্ৰত সমৰ্পিত মনোভাৱৰ বাবে সদায়েই স্মৰণ কৰিব বুলি উল্লেখ কৰে।