ভাৰতৰ পি ভি সিন্ধু আৰু লক্ষ্য সেন লক্ষ্ণৌত অনুষ্ঠিত ছৈয়দ মোদী আন্তঃৰাষ্ট্ৰীয় ছুপাৰ থ্ৰী হান্ড্রেড বেডমিণ্টন প্ৰতিযোগিতাৰ ছিংগলছৰ পৰৱৰ্তী ৰাউণ্ডত প্ৰৱেশ কৰিছে। পি ভি সিন্ধুৱে মহিলাৰ ছিংগলছৰ প্ৰথম ৰাউণ্ডত সতীর্থ খেলুৱৈ অনমোল খৰবক ২১-১৭, ২১-১৫ গেমত পৰাস্ত কৰে। ইপিনে, লক্ষ্য সেনে পুৰুষৰ ছিংগলছৰ এখন খেলত মালয়েছিয়াৰ ছোলেহ এডিলক ২১-১২, ২১-১২ গেমত পৰাভূত কৰে। সিন্ধু আৰু লক্ষ্য সেনৰ উপৰি মালৱিকা বনছোড়, উন্নতি হুদা আৰু তছনিম মীৰেও পৰৱৰ্তী ৰাউণ্ডত স্থান নিশ্চিত কৰিছে। একেদৰে অশ্বিনী পোনাপ্পা আৰু তনিশা ক্ৰাষ্টো, তৃষা জ’লী আৰু গায়ত্ৰী গোপীচান্দৰ যুটি দুটায়ো মহিলাৰ ডাবলছৰ দ্বিতীয় ৰাউণ্ডত প্ৰৱেশ কৰিছে।