ৰাষ্ট্ৰপতি শ্ৰীমতী দ্রৌপদী মুমুৱে আজি তেওঁৰ পৰ্তুগাল ভ্ৰমণৰ দ্বিতীয় তথা অন্তিম দিনা দেশখনৰ সদনৰ অধ্যক্ষ জোজে পেড্ৰ এগুয়াৰ ব্রাংকোৰ সৈতে এখন প্রতিনিধি পৰ্যায়ৰ বৈঠকত মিলিত হয়। পৰ্তুগালৰ সদন এচেম্বলিয়া দা ৰিপাব্লিকাত আজি শ্ৰীমতী মুর্মুক গার্ড অৱ অনাৰ প্ৰদান কৰা হয়। বৈদেশিক পৰিক্ৰমা মন্ত্ৰ্যালয়ে জানিবলৈ দিয়া অনুসৰি, প্ৰতিনিধি পৰ্যায়ৰ বৈঠকখনত দুয়োগৰাকী নেতাই দেশ দুখনৰ মাজৰ সম্পৰ্কক আগুৱাই নিয়াৰ ক্ষেত্ৰত কেইবাটাও গুৰুত্বপূৰ্ণ বিষয় সন্দৰ্ভত আলোচনা কৰে। শ্ৰীমতী মুৰ্মুৱে সাংসদসকলৰ সৈতে মত বিনিময় কৰাৰ উপৰি ভাৰত-পৰ্তুগাল সংসদীয় মৈত্ৰী গোটৰ সদস্যসকলৰ সৈতেও সাক্ষাৎ কৰে। এই ভ্ৰমণৰ পৰৱৰ্তী পৰ্যায়ত ৰাষ্ট্ৰপতিগৰাকী শ্লোভাকিয়ালৈ ৰাওনা হ’ব। অহা ৯ আৰু ১০ এপ্ৰিলত শ্লোভাকিয়াৰ দুদিনীয়া ভ্রমণসূচীত শ্ৰীমতী মুৰ্মুৱে দেশখনৰ ৰাষ্ট্ৰপতি পিটাৰ পেলেগ্রিণি আৰু প্ৰধানমন্ত্ৰী ৰবাৰ্ট ফিকোৰ সৈতে দ্বিপাক্ষিক বৈঠকত মিলিত হ’ব।