মহিলা আৰু শিশু বিকাশ মন্ত্ৰ্যালয়ে কাইলৈৰ পৰা পোষণ পষেকৰ সপ্তম সংস্কৰণ ৰূপায়ণ কৰিব। দেশৰ পৰা পৰিপুষ্টিজনিত সমস্যা দূৰ কৰি সুস্থ ভাৰত গঢ়াৰ লক্ষ্যৰে এই কাৰ্যসূচী অনুষ্ঠিত হয়। এই কাৰ্যসূচীৰ অংশ হিচাপে এইবাৰ চাৰিটা বিষয়ৰ ওপৰত গুৰুত্ব আৰোপ কৰা হৈছে। এই অনুসৰি শিশুৰ জন্মৰ পৰা প্ৰথম এহেজাৰ দিনৰ পৰিপুষ্টি নিশ্চিত কৰা, হিতাধিকাৰী সকলৰ মাজত পৰিপুষ্টি নির্ণয়ৰ বাবে পৰ্যালোচনা কৰা, স্বাস্থ্য সন্মত জীৱনশৈলী গঢ়ি তুলি শিশুৰ মেদবহুলতা নিয়ন্ত্ৰণ কৰা আৰু সামগ্ৰিকভাৱে স্বাস্থ্য আৰু পৰিপুষ্টি নিশ্চিত কৰাৰ ওপৰত গুৰুত্ব দিয়া হৈছে। উল্লেখযোগ্য যে, প্রধানমন্ত্ৰী নৰেন্দ্ৰ মোদীয়ে আৰম্ভ কৰা এই ধবজাবাহী কাৰ্যসূচীয়ে লাভ কৰা সফলতাৰ ফলত দেশৰ শিশু আৰু সন্তান সম্ভৱাসকলৰ মাজত পুষ্টিহীনতা সমস্যা হ্ৰাস পাইছে। কাইলৈ এই কাৰ্যসূচীৰ শুভাৰম্ভ উপলক্ষে মহিলা আৰু শিশু বিকাশ মন্ত্রী সাবিত্রী ঠাকুৰে বিভিন্ন ৰাজ্য আৰু কেন্দ্ৰীয় শাসিত অঞ্চলৰ অংগনবাড়ী কৰ্মী, ১৮টা সহযোগী মন্ত্ৰ্যালয় তথা মহিলা আৰু শিশু বিকাশ বিভাগৰ বিষয়াসকলক ডিজিটেল ব্যৱস্থাৰে সম্বোধন কৰিব ।