প্রধানমন্ত্রী তথা জ্যেষ্ঠ বিজেপি নেতা নৰেন্দ্ৰ মোদীয়ে কৈছে যে ২০১৪ চনৰ লোকসভা নিৰ্বাচনত দুৰ্নীতি আৰু ২০১৯ চনত হিতাধিকাৰী মূল বিষয় হিচাপে পৰিগণিত হোৱাৰ বিপৰীতে ২০২৪ চনৰ নিৰ্বাচনত বিকশিত ভাৰত মূল বিষয় হিচাপে পৰিগণিত হৈছে। এখন ইংৰাজী দৈনিক কাকতত দিয়া এটা সাক্ষাৎকাৰত শ্ৰী মোদীয়ে কয় যে সমগ্ৰ দেশৰ জনসাধাৰণে এইবাৰৰ নিৰ্বাচনটোক এটা গুৰুত্বপূৰ্ণ নির্বাচন বুলি অনুধাৱন কৰিছে। এই নির্বাচনটোৱে দেশখনৰ আশা-আকাংক্ষাৰ সমানুপাতিক গতিৰে বিকশিত ভাৰতৰ লক্ষ্যত উপনীত হোৱাটো নিশ্চিত কৰিব বুলি ভোটদাতাসকলে বুজিব পাৰিছে বুলিও তেওঁ মত প্ৰকাশ কৰে। এইবাৰৰ নিৰ্বাচনত দুর্নীতি বিৰোধী আৰু হিতাধিকাৰী ভোটদাতাসকলে তেওঁৰ প্রতি সমর্থন আগবঢ়োৱা বুলিও শ্ৰী মোদীয়ে দাবী কৰে ।