বিজেপিৰ জ্যেষ্ঠ নেতা তথা প্রধানমন্ত্ৰী নৰেন্দ্ৰ মোদীয়ে কালি সন্ধিয়াৰে পৰা কন্যাকুমাৰীস্থিত বিবেকানন্দ স্মৃতিসৌধত ধ্যান আৰম্ভ কৰিছে। ইয়াৰ পূৰ্বে প্ৰধানমন্ত্ৰীগৰাকীয়ে শ্ব’ৰ চহৰৰ ভাগৱতী আম্মান মন্দিৰ দৰ্শন কৰে। প্ৰধানমন্ত্ৰীগৰাকীক এই মন্দিৰত পূৰ্ণ কুম্ভ সন্মান প্ৰদান কৰা হয়। ইয়াৰ পিছত তেওঁ এম.এল.বিবেকানন্দ জাহাজেৰে বংগোপসাগৰত অৱস্থিত বিবেকানন্দ স্মৃতিসৌধত উপস্থিত হয়।

শ্ৰী মোডীয়ে ১ জুনলৈকে সেই স্থানতে ধ্যানত মগ্ন হ’ব। ধ্যান শেষ হোৱাৰ পিছত তেওঁ বিবেকানন্দ শিলৰ সমীপত অৱস্থিত ১৩৩ ফুট উচ্চতাৰ তিৰুৱৰ্ল্লৱৰ মূৰ্তিতো পুস্পাঞ্জলি অর্পণ কৰিব। সেইদিনা তেওঁ ত্রিবেন্দ্ৰম হৈ দিল্লীলৈ উভতি যাব। প্রধানমন্ত্ৰীৰ ভ্ৰমণসূচীৰ বাবে সমগ্ৰ এলেকাটোত উপকূলীয় আৰু সামুদ্রিক নিৰাপত্তা কটকটীয়া কৰি তোলা হৈছে।