প্রধানমন্ত্ৰী নৰেন্দ্ৰ মোদী আজি নতুন দিল্লীত বাংলাদেশৰ প্ৰধানমন্ত্ৰী শ্বেইখ হাছিনাৰ সৈতে বৈঠকত মিলিত হ’ব। বৈঠকত দুয়োগৰাকী নেতাই ভাৰত-বাংলাদেশৰ দ্বিপাক্ষিক সম্পর্কক নতুন গতি প্ৰদানৰ উদ্দেশ্যে বিভিন্ন বিষয় লৈ আলোচনা কৰিব। ভাৰত আৰু বাংলাদেশে বিভিন্ন বিষয়ত কেইবাখনো চুক্তি স্বাক্ষৰ কৰিব। শ্ৰীমতী হাছিনাই আজি ৰাষ্ট্ৰপতি শ্ৰীমতী দ্রৌপদী মুৰ্মু আৰু উপ ৰাষ্ট্ৰপতি জগদীপ ধনখড়ক দেখা কৰাৰ কথা আছে।
বিদেশ মন্ত্রী ডº এছ জয়শংকৰে কালি দুদিনীয়া ভ্রমণসূচীৰে নতুন দিল্লীত উপস্থিত হোৱাৰ পাছত অভ্যাগত প্রধানমন্ত্ৰীগৰাকীক সৌজন্যমূলক সাক্ষাৎ কৰে। ডº এছ জয়শংকৰে সামাজিক মাধ্যমত কয় যে, শ্ৰীমতী হাছিনাৰ ভাৰত ভ্রমণে দুয়োখন দেশৰ মাজৰ ঘনিষ্ঠ আৰু স্থায়ী সম্পৰ্কৰ কথাকে প্রতিফলিত কৰিছ।