প্রধানমন্ত্ৰী নৰেন্দ্ৰ মোদীয়ে আজি ৰাছিয়াৰ ৰাষ্ট্ৰপতি ভ্লাদিমীৰ পুটিনৰ সৈতে টেলিফোনযোগে কথা পাতে আৰু ৰাছিয়া আৰু ইউক্ৰেইনৰ মাজৰ সংঘৰ্ষক লৈ মত বিনিময় কৰে। শ্ৰীমোদীয়ে সামাজিক মাধ্যমযোগে কয় যে, তেওঁ শ্ৰীপুটিনৰ সৈতে বিশেষ দ্বিপাক্ষিক সম্পর্ক সুদৃঢ় কৰাৰ বিষয়ে কথা পাতে। প্রধানমন্ত্রীয়ে লগতে শেহতীয়া ইউক্রেইন ভ্ৰমণৰ অভিজ্ঞতাৰ বিষয়ে শ্রীপুটিনক অৱগত কৰে। বাৰ্তালাপৰ সময়ত শ্ৰীমোদীয়ে ৰাছিয়া আৰু ইউক্রেইনৰ মাজত সংঘৰ্ষৰ শান্তিপূর্ণ সমাধানৰ বাবে ভাৰতৰ প্ৰতিশ্ৰুতিবদ্ধতাৰ কথা দোঁহাৰে ৷