প্রধানমন্ত্ৰী নৰেন্দ্ৰ মোডীয়ে অহা সোমবাৰে প্ৰধানমন্ত্রী কিষাণ সম্মান নিধিৰ ঊনবিংশ কিস্তি মুকলি কৰিব। এই আঁচনিৰ অধীনত কৃষিভূমি থকা কৃষকসকলক তিনিটা সমপৰিমাণৰ কিস্তিত প্ৰতিবছৰে ৬ হাজাৰ টকাকৈ প্ৰদান কৰা হয়। নতুন দিল্লীত আজি এখন সংবাদমেল সম্বোধন কৰি কেন্দ্ৰীয় কৃষিমন্ত্রী শিৱৰাজ সিং চৌহানে কয়, যে এই অনুষ্ঠানত দেশৰ ২ কোটি ৫০ লাখ কৃষকে শাৰীৰিকভাৱে বা ভার্চুৱেল ব্যৱস্থাৰে অংশগ্ৰহণ কৰিব। এই আঁচনিৰ অধীনত এতিয়ালৈকে মুঠ ৩লাখ ৪৬ হাজাৰ কোটি টকা মুকলি কৰি দিয়া হৈছে বুলি কৃষিমন্ত্ৰীগৰাকীয়ে প্ৰকাশ কৰে।