প্রধানমন্ত্ৰী নৰেন্দ্ৰ মোদীয়ে আজি বৈদ্যুতিন আৰু তথ্য প্রযুক্তি মন্ত্ৰী অশ্বিনী বৈষ্ণৱে এখন ৰাষ্ট্ৰীয় দৈনিক কাকতত লিখা উন্নত ভাৰতৰ দিশে ডিজিটেল পথ শীৰ্ষক প্ৰবন্ধটোৰ প্ৰশংসা কৰে। প্ৰবন্ধটোৰ উদ্ধৃতি দি সামাজিক মাধ্যমৰ এটা পোষ্টত শ্ৰী মোদীয়ে কয়, যে ডিজিটেল ৰাজহুৱা আন্তঃগাঁথনি, কৃত্রিম বুদ্ধিমত্তা, অর্ধপৰিবহী আৰু বৈদ্যুতিন উৎপাদনৰ ওপৰত গুৰুত্ব দি দেশখনে কেনেদৰে নিজৰ ডিজিটেল ভৱিষ্যৎ গঢ় দিছে সেই বিষয়ে প্ৰবন্ধটোত বিশদভাৱে উল্লেখ কৰা হৈছে।
উল্লেখযোগ্য যে, প্ৰবন্ধটোত শ্ৰী বৈষ্ণৱে ছফ্টৱেৰৰ বিকাশৰ ক্ষেত্ৰত বহু আগেয়ে ভাৰতে আন্তঃৰাষ্ট্ৰীয় নেতৃত্ব বহন কৰি বৰ্তমান হাৰ্ডৱেৰ নিৰ্মাণৰ ক্ষেত্ৰতো দেশ দ্রুত গতিত আগবাঢ়িছে বুলি প্ৰকাশ কৰিছে। তেওঁ লগতে ৫টা নির্মীয়মান ছেমি কণ্ডাক্টৰ প্ৰকল্পৰ জৰিয়তে বিশ্বৰ বৈদ্যুতিন খণ্ডত ভাৰতে নিজৰ স্থিতি সবল কৰি তুলিছে বুলিও প্ৰবন্ধটোত উল্লেখ কৰে। তেওঁ কয়, যে চলিত বৰ্ষতে দেশৰ প্ৰথমটো মেক ইন ইণ্ডিয়া চিপ নিৰ্মাণৰ জৰিয়তে ভাৰতে অতি সোনকালেই এটা গুৰুত্বপূৰ্ণ মাইলৰ খুঁটিত উপনীত হ‘ব। দেশৰ ডিজিটেল ৰাজহুৱা আন্তঃগাঁথনিৰ প্ৰশংসা কৰি কেন্দ্ৰীয় মন্ত্ৰীগৰাকীয়ে কয়, যে এই ব্যৱস্থাই আন্তঃৰাষ্ট্ৰীয় মান নিৰূপণ কৰিছে। ভাৰতৰ ডিজিটেল ৰাজহুৱা আন্তঃগাঁথনিৰ আৰ্হিৰে বিভিন্ন দেশে একেধৰণৰ ব্যৱস্থা গঢ়ি তুলিবলৈ আগ্ৰহ প্ৰকাশ কৰাৰ কথাও শ্রী বৈষ্ণৱে উল্লেখ কৰে।