ৰাজ্যখনত বান নিয়ন্ত্রনত সহায় হোৱাকৈ জলসম্পদ বিভাগে কেইবাটাও স্থানত জলাশয় উন্নয়নৰ বাবে পদক্ষেপ গ্ৰহণৰ সিদ্ধান্ত লৈছে। ইয়াৰ বাবে ৯টা স্থান বাছনি কৰি প্ৰাৰম্ভিক গৱেষণা আৰু ক্ষেত্ৰ পৰিদৰ্শনৰ কাম অব্যাহত ৰখা হৈছে। আজি জলসম্পদ মন্ত্রী পীযূষ হাজৰিকাই বিভাগীয় মুখ্য অভিযন্তা আৰু সকলো সংমণ্ডলৰ অভিযন্তাৰ সৈতে ভার্চুৱেল মাধ্যমেৰে বৈঠকত মিলিত হৈ এই বিষয়ে আলোচনা কৰে। এই আলোচনাকালত ৰাজ্য চৰকাৰৰ বিশেষ মুখ্য সচিব ছৈয়দ্দিন আববাচিও উপস্থিত থাকে। এই বৈঠকত ৰাজ্যখনৰ বান খহনীয়াৰ সমস্যা নিয়ন্ত্ৰণৰ বাবে উপায় উদ্ভাৱন সন্দৰ্ভত খৰচি মাৰি আলোচনা কৰা হয়। জলসম্পদ মন্ত্ৰীগৰাকীয়ে এই ক্ষেত্ৰত বিষয়া-কৰ্মচাৰীসকলে গ্ৰহণ কৰা ভূমিকাক প্ৰশংসা কৰে।