ডাউনলোড
মোবাইল এপ

android apple
signal

March 18, 2025 12:59 PM | Olympic

printer

২০২৮ চনত অলিম্পিকত বক্সিং খেলক অন্তৰ্ভুক্ত কৰাত অনুমোদন আন্তঃৰাষ্ট্ৰীয় অলিম্পিক কমিটীৰ

আন্তঃৰাষ্ট্ৰীয় অলিম্পিক কমিটীয়ে ২০২৮ চনত লছ এঞ্জেলছত হ’বলগীয়া অলিম্পিকত বক্সিং খেলক অন্তৰ্ভুক্ত কৰাত অনুমোদন জনাইছে। যোৱা মাহত কমিটীখনে বিশ্ব বক্সিং সংস্থাক অস্থায়ী স্বীকৃতি প্ৰদান কৰাৰ পিছতে এই সিদ্ধান্ত লোৱা হয়। এই সিদ্ধান্তক আদৰণি জনাই বিশ্ব বক্সিঙৰ সভাপতি বৰিছ ভান ডেৰ ভৰ্ষ্টে কয় যে এয়া অতি উল্লেখযোগ্য আৰু গুৰুত্বপূৰ্ণ সিদ্ধান্ত আৰু ই বক্সিঙক অলিম্পিকত পুনৰ সংযোজন কৰাৰ পিনে আগুৱাই লৈ যাব।

২০২২ চনৰ ফেব্ৰুৱাৰী মাহত কমিটীয়ে অনুমোদন জনোৱা ২০২৮ চনৰ অলিম্পিকৰ প্ৰাৰম্ভিক ক্রীড়া কাৰ্যসূচীত বক্সিঙক অন্তৰ্ভুক্ত কৰা হোৱা নাছিল।

যোৱা বছৰ কমিটীয়ে স্পষ্ট কৰি দিছিল যে ২০২৮ চনৰ অলিম্পিকত বক্সিং অন্তর্ভুক্ত কৰিবলৈ হ’লে ৰাষ্ট্ৰীয় বক্সিং ফেডাৰেচনসমূহে নতুন আন্তঃৰাষ্ট্ৰীয় ফেডাৰেচনক কেন্দ্ৰ কৰি একমতত উপনীত হ’ব লাগিব। শাসন আৰু ক্ৰীড়াৰ সততা সম্পৰ্কীয় বিভিন্ন মাপকাঠীৰ মূল্যায়নৰ অন্তত ২৬ ফেব্ৰুৱাৰীত কমিটিয়ে বিশ্ব বক্সিংক সাময়িকভাৱে স্বীকৃতি দিয়াৰ সিদ্ধান্ত গ্ৰহণ কৰে ৷

অধিক পঢ়ক

সকলো চাওক