চলিত বৰ্ষৰ নেটৱৰ্ক প্ৰস্তুতি সূচ্যাংক প্রতিবেদন অনুসৰি ভাৰত পূৰ্বতকৈ ১১টা স্থান আগবাঢ়ি ৪৯ সংখ্যক স্থানত আছে। ২০২৩ বৰ্ষৰ এই প্ৰতিবেদনত ভাৰতে ৬০ সংখ্যক স্থান লাভ কৰিছিল। বিগত ২১ নৱেম্বৰত প্ৰকাশ পোৱা প্ৰতিবেদনখনে প্রযুক্তি, জনসাধাৰণ, শাসন আৰু প্ৰভাৱৰ ক্ষেত্ৰত কৰা প্ৰদৰ্শনৰ ভিত্তিত ১৩৩খন দেশক সামৰি লৈছিল। মুঠ ৫৪টা খণ্ড সামৰি লোৱা এই প্রতিবেদনখন আমেৰিকা যুক্তৰাষ্ট্ৰৰ ৱাশ্বিংটন ডি চিৰ পঢ়ুলান্স ইনষ্টিটিউট নামৰ এটা গৱেষণা আৰু শিক্ষা প্রতিষ্ঠানে প্ৰকাশ কৰিছে। যোগাযোগ মন্ত্রালয়ে এটা বিবৃতিত কয়, যে ভাৰতে কেৱল নিজৰ ৰেংকিং উন্নত কৰাই নহয়, ২০২৩ চনৰ ৪৯ দশমিক ৯-৩ৰ পৰা ২০২৪ চনত ৫৩ দশমিক ৬-৩ লৈও পইণ্ট উন্নত কৰিছে। প্ৰতিবেদনত উল্লেখ কৰা হৈছে যে ভাৰতে কৃত্রিম বুদ্ধিমত্তাৰ সৈতে জড়িত বৈজ্ঞানিক প্রকাশন তথা তথ্য আৰু যোগাযোগ প্রযুক্তি সেৱাৰ সৈতে জড়িত ৰপ্তানিখণ্ডত প্ৰথম স্থান লাভ কৰিছে। ভাৰতে ভিয়েটনামৰ পিছতে নিম্ন মধ্য আয়ৰ দেশৰ গোটত ২য় স্থান লাভ কৰিছে।