ৰাজ্যৰ মুখ্য নির্বাচনী বিষয়া অনুৰাগ গোৱেলে আজি নগাঁও জিলাত উপস্থিত হৈ চামগুৰি বিধানসভা সমষ্টিৰ আসন্ন উপ- নিৰ্বাচনৰ প্ৰস্তুতি সন্দৰ্ভত নিৰ্বাচনৰ বাবে গঠিত বিভিন্ন কোষৰ বিষয়াসকলৰ সৈতে এখন বৈঠকত মিলিত হয়। নির্বাচন মুক্ত, নিকা আৰু শান্তিপূর্ণভাৱে সম্পন্ন কৰাৰ ক্ষেত্ৰত তেওঁ বিষয়াসকলক নিষ্ঠাসহকাৰে নিজৰ দায়িত্ব সম্পাদন কৰিবলৈ আহ্বান জনায়। নিৰ্বাচনী বিষয়াগৰাকীয়ে সভাত ই ভি এম কমিছনিং কৰাৰ লগতে ষ্ট্ৰং ৰুমো পৰিদৰ্শন কৰে।