পাপুৱা নিউগিনিৰ এংগা প্ৰদেশৰ কাউকালাম গাঁৱত কালি হোৱা ব্যাপক ভূমিস্খলনৰ ফলত ৩০০ ৰো অধিক লোক মৃত্যু মুখত পৰাৰ আশংকা কৰা হৈছে। ভূমিস্খলৰ ফলত বিধবস্ত হৈ পৰা গাঁওখনৰ ১১ শতকৈও অধিক বাসগৃহ মাটিত পোতখোৱা বুলিও বিভাগীয় কৰ্তৃপক্ষই প্ৰকাশ কৰিছে। আনহাতে দ্বীপ ৰাষ্ট্ৰখনৰ মুলিতাকা অঞ্চলৰ ৬খনৰো অধিক গাঁও এই ভূমিস্খনৰ দ্বাৰা প্ৰভাৱিত হৈছে বুলি জানিব পৰা গৈছে। দেশখনৰ প্ৰধানমন্ত্ৰী জেমছ মাৰাপেই দুৰ্যোগ প্রশমন, প্ৰতিৰক্ষা আৰু ঘাইপথ বিভাগৰ বিষয়া-কৰ্মচাৰীসকলে সাহায্য আৰু উদ্ধাৰ কাৰ্যত সকলো ধৰণৰ সহায়-সহযোগিতা আগবঢ়োৱা বুলি জানিবলৈ দিছে।