প্রধানমন্ত্ৰী নৰেন্দ্ৰ মোদীৰ নেতৃত্বত কাইলৈ এন ডি এ চৰকাৰৰ শপতগ্রহণ কাৰ্যসূচী সন্ধিয়া ৬ বাজি ৪৫ মিনিটৰ পৰা আকাশবাণীয়ে পোনপটীয়াকৈ প্ৰচাৰ কৰিব। এই কাৰ্যসূচী আকাশবাণীৰ এফ এম গ’ল্ড, ইন্দ্ৰপ্ৰস্থ আৰু অন্য সকলো চেনেলৰ লগতে ইউটিউব চেনেল আকাশবাণী এ আই আৰৰ জৰিয়তে পোনপটীয়াকৈ প্ৰচাৰ কৰা হ’ব। এই অনুষ্ঠানৰ পৰিপ্ৰেক্ষিতত কাইলৈ সন্ধিয়াৰ আঞ্চলিক বাতৰি ৬ বাজি ৪৫ মিনিটৰ পৰিৱৰ্তে ৬ বাজি ৩০ মিনিটত প্ৰচাৰ কৰা হব। আনহাতে, ৭ বাজি ১০ মিনিটৰ অসমীয়া বাতৰি নিশা ৮ বাজি ৩৫ মিনিটত প্ৰচাৰ কৰা হ’ব। অৱশ্যে শপতগ্রহণ কার্যসূচী দীঘলীয়া হ’লে এই কাৰ্যসূচী শেষ হোৱাৰ লগে লগে বাতৰি প্ৰচাৰ কৰা হ’ব।