বৃহত্তৰ গুৱাহাটী দুগ্ধ ব্যৱসায়ী সংস্থাই অহা ১ ছেপ্টেম্বৰৰ পৰা গাখীৰৰ দাম ৩ টকাকৈ বৃদ্ধি কৰা হ’ব বুলি আজি এখন সংবাদমেলযোগে প্রকাশ কৰিছে। সংগঠনটোৱে জনোৱা অনুসৰি অহা ১ ছেপ্টেম্বৰৰ পৰা প্ৰতিলিটাৰ গাখীৰৰ পাইকাৰী দাম ৬৪ টকা ৪০ পইচা আৰু খুচুৰা ৬৭ টকা হ’ব। উল্লেখযোগ্য যে বৃহত্তৰ গুৱাহাটী গোপালক সন্থাই খুঁটিত গাখীৰৰ দাম প্রতিলিটাৰত ২ দশমিক ৬০ পইচাকৈ বৃদ্ধি কৰিছে। যাৰ ফলত গাখীৰৰ পাইকাৰী আৰু খুচুৰা দাম বৃদ্ধিৰ সিদ্ধান্ত লোৱা হৈছে বুলি সংগঠনটোৱে জানিবলৈ দিছে।