ডাউনলোড
মোবাইল এপ

android apple
signal

March 17, 2025 7:57 PM | Manipur

printer

মণিপুৰৰ ২০২৫-২৬ বৰ্ষৰ বাজেট সম্পৰ্কত আজি ৰাজ্যসভাত আলোচনা

বর্তমান ৰাষ্ট্ৰপতি শাসনত থকা মণিপুৰৰ ২০২৫-২৬ বৰ্ষৰ বাজেট সম্পৰ্কত আজি ৰাজ্যসভাত আলোচনা অনুষ্ঠিত হয়। উচ্চ সদনে আজি মণিপুৰ বিনিয়োজন বিধেয়ক ২০২৫ আৰু ৰাজ্যখনৰ ২০২৫ বৰ্ষৰ লেখানুদান প্ৰস্তাৱ সম্পৰ্কত আলোচনা কৰে। এই সম্পৰ্কীয় আলোচনাত অংশগ্ৰহণ কৰি কংগ্ৰেছৰ শক্তি সিং গহিলে ৰাজনৈতিক মতানৈক্য দূৰ কৰি মণিপুৰত শান্তি আৰু সুস্থিৰতা ঘুৰাই অনাৰ বাবে কাম কৰি যাবলৈ আহ্বান জনায়। তেওঁ কয়, যে ৰাজ্যখনত যোৱা সময়ছোৱাত সৃষ্টি হোৱা পৰিস্থিতিৰ ফলত প্ৰায় ৬০ হাজাৰ লোক স্থানচ্যুত হ’বলগীয়া হৈছে। এই লোকসকলৰ পুনৰ সংস্থাপনৰ বাবে অধিক পুঁজি আৱণ্টন কৰিবলৈকো তেওঁ আহ্বান জনায়। তৃণমূল কংগ্ৰেছৰ সুস্মিতা দেৱে তথাকথিত ডাবল ইঞ্জিন চৰকাৰ থকা সত্তেও মণিপুৰত এনে পৰিস্থিতিৰ সৃষ্টি হোৱাটো দুৰ্ভাগ্যজনক বুলি অভিহিত কৰে। বিজেপিৰ ড° অজিত মাধৱৰাও গোপচাড়ে কয়, যে মণিপুৰৰ প্ৰদূষণমুক্ত জলবায়ু বিভিন্ন ঔষধি গছ-লতাৰ বাবে উপযোগী আৰু সেয়েহে এইসমূহৰ অৰ্থকৰী ব্যৱহাৰ সুনিশ্চিত কৰিব লাগে। চি পি এমৰ বিকাশৰঞ্জন ভট্টাচাৰ্য্যই কয়, যে ৰাজ্যখনত ৰাষ্ট্ৰপতিৰ শাসন প্ৰৱৰ্তন গণতন্ত্ৰৰ বাবে শুভ সংকেত নহয়। তেওঁ মণিপুৰলৈ স্বাভাৱিক পৰিবেশ ঘুৰাই অনাৰ স্বাৰ্থত ভাতৃত্ববোধৰ বান্ধোন শক্তিশালী কৰাৰ ওপৰত গুৰুত্ব আৰোপ কৰে।

 

অধিক পঢ়ক

সকলো চাওক