মাজুলী জিলাৰ অন্তৰ্গত বিদ্যালয়সমূহৰ পৰিদৰ্শকৰ কাৰ্যালয়ত আৰু মাজুলী জিলা অধিবিদ্যা পৰিষদৰ উদ্যোগত কালি ৫১গৰাকী সদ্য অৱসৰপ্ৰাপ্ত শিক্ষক-কর্মচাৰীক বিদায় সম্ভাষণ জনোৱা হয়। কমলাবাৰীস্থিত ১ নম্বৰ কমলাবাৰী নিম্ন বুনিয়াদী বিদ্যালয়ত অনুষ্ঠিত সভাখনত মাজুলী জিলা বিদ্যালয়সমূহৰ পৰিদৰ্শক সংগীতা বৰুৱা, মাজুলী জিলা অধিবিদ্যা পৰিষদৰ সচিব অভিজিত নাথ আৰু জিলাখনৰ বিদ্যালয় পৰিদৰ্শকৰ কাৰ্যালয়ৰ কৰ্মচাৰীসকল উপস্থিত থাকে।